Dot Next S.N.C.

Con quell’interfaccia un pö coscì

Derê a-e idee gh’é delongo quarchedun ch’o ê mette sciù. Derê a-e tecnologie gh’é delongo quarchedun ch’o ê cangia inta soluçion à di problemi. In sciâ fin, da l’atra parte do spegio do computer gh’é de persoñe che t’aggiuttan into travaggio e che te fan vive ciù ben. Niatri semmo de quelli. E gh’emmo sti mori chì. Semmo a vòstra controparte, quella creativa e ch’a sta apreuvo a-a tecnica pe tutto quello ch’o l’à da fâ co-o mondo digitale.

App che se mescian

O l’é tempo de App

No ghe ceuve, semmo in tempi de App. Perché l’òmmo da giornâ d’ancheu o n’à beseugno comme tutto: pe travaggiâ, pe conosce de cöse, pe demoâse. Delongo, dond’o s’attreuva, à tutte e mainee. E niatri no semmo de seguo quelli che ve mettan i bacchi inte reue se sei lì in gio pe Timbuctu e ve vegnisse coæ d’ammiâ e fattue attive da vòstra dita, ò s’avesci beseugno d’unna buttega da ferramenti.

Web

A ræ a l’é libertæ

Se fa fito, quande se dixe “un scito”. Fâne un comme se deve a l’é tutta unn’atra cösa. In sciâ ræ un o fa da communicaçion, di commerci, o l’intra in relaçion co-e gente e o çerca de tiâle into seu carroggio. A ræ a l’é libertæ. L’é pe quello che beseugna che ’n scito o stagghe apreuvo a-i intendimenti de l’azienda: serv’assæ ch’o segge solo bello da vedde e ch’o guste a-e gente. Donca o l’é un scito, scì, ma un scito archeològico.

Programmi

Taggiæ in sce mesua

Gh’è di software che s’accattan in gio e ghe n’é de quelli fæti à taggio. Comme pe-i vestî. Te ô lì, niatri semmo quelli che cuxan a tecnologia digitale in relaçion co-o beseugno che se n’à. Mesuemmo o travaggio de dite e gh’inandiemmo di scistemi e di arneixi digitali fæti apòsta pe lô. E che fan avansâ tempo e dinæ, co-o passâ di anni, perché fonsioñan à dovei.

Multimedia

L'arte de cangiâ in megio

Se s’ammia a-i primmi tempi de l’etæ digitale, se vedde ben che a-a giornâ d’ancheu l’idea do multimedia a l’é ciù esteisa, e ch’a l’é piña de novitæ. No l’è ciù costion de dâ vitta à unna presentaçion ch’a piaxe a-e gente. Gh’è da deuviâ de forme neuve d’esprescion pe intendise co-e nòstre casañe. A tecnologia ch’a se deuvia inte ste relaçioin a l’à da invexendâ – e da invexendâse – delongo de ciù. L’é lì che s’intra in zeugo.