Chi semmo

Chi semmo

O nòstro campo o l’é o digitale inte tutta a fòrsa do termine.
Into nòstro nomme gh’é un ponto fermo e unna vixon do futuo, perché beseugna tegnî conto che inte ste cöse cangia tutto de maniman, da un sô à l’atro.
L’é dex’anni che travaggemmo co-a convinçion che un o l’à delongo quarcösa da imprende, de öcaxoin pe fâ megio, pe mette in discuscion e seu seguesse.

Niatri semmo de l’idea che sta chì a segge a mainea boña d’aggiuttâve à deuviâ a-o megio e tecnologie che fan giâ o mondo a-a giornâ d’ancheu. Da-o web a-e app, da-i software che î fan camminâ fin a-e creaçioin artistiche che de sti tempi son a frontea a ciù avansâ do multimedia.

Te ô lì, derê à tutte ste cöse ghe semmo niatri, quelli di ritræti: o ligamme [l’interfaccia] tra o futuo e a realtæ da giornâ d’ancheu.

 

O l’è tempo de App

E app son apreuvo a cangiâ o nòstro mondo. A poscibilitæ che ne dan d’intrâ inti nòstri programmi tutti i momenti, donde e quande se n’à de beseugno e co-i dispoxitivi che un o l’à con lê: pe quello e app son unna mäveggia pe-o travaggio in scî mercoei, pe savei e cöse, pe demoâse. Un mezo inandiou apòsta pe quello che serve.

L’é za do bello che semmo di meistri à inandiâ e à mette sciù e appricaçioin che cuan e che dan a mente a-o travaggio de industrie ò di restoranti, quelle che stan apreuvo a-i scistemi informatizzæ e a-e ræ, quelle che fan mette à giorno in sciô momento i dæti che s’à beseugno.

Ma semmo meistri ascì inte appricaçioin che ve dan à viatri, e nòstre casañe, o mezo d’intrâ e de mantegnîve in relaçion co-e vòstre, de casañe, e d’attrovâne de atre.

O l’é un regio ch’o cangia tutti i momenti: pe dâghe delongo apreuvo ghe mettemmo o nòstro tempo e e nòstre fòrse, che l’é comme dî a creativitæ e a competensa into settô de l’informatica di nòstri òmmi e de nòstre dònne.

 

Web, a ræ a l’é libertæ

Unna vòtta gh’ea i coscì diti sciti veddriña. Ean comme de brosciue, ma sensa papê e sensa costi de stampa: servivan pe fâ conosce unna dita ò un serviçio. A-a giornâ d’ancheu un scito o l’é tutta unn’atra cösa, gh’è ciù travaggio e ciù informaçion. Segondo niatri o l’è un mezo ch’o serve à mette in libertæ de fòrse, à mette in atto de idee che donca arrestavan serræ inta cantia.
Un scito web o no saià guæi bon s’o no nasce da l’incontro tra a casaña e a sò agençia, che stabiliscian insemme, e fin da-o prinçipio, quello che beseugna fâ pe arrivâ donde se veu, coscì da inandiâ a-o megio l’architettua e i contegnui do mæximo scito.

O Web o l’é a scintexi d’unna mainea digitale de pensâ o travaggio e a communicaçion, o l’é a cogniçion de comme tutti i momenti cangia a lengua de imagine e o lescico, o l’é conoscensa da pscicologia de persoñe.
Un scito, aloa, o l’é tante atre cöse a-o de là da presentaçion e da lengua ch’o deuvia, o no l’è solo un mezo pe dî e cöse fito e ben, o no l’é solo un bello spaçio elettrònico pe fâ di commerci.

Un scito, a-a giornâ d’ancheu, o l’é esprescion da vòstra identitæ.

 

Programmi taggiæ in sce mesua

Ascì into mondo digitale, con tutta a seu tecnologia, gh’é tanto spaçio pe-i artexen. Tutto sta, se capisce, à capî quello che s’intende con sta definiçion.
Pe dîne uña, s’inandiemmo e se mettemmo sciù da niatri i software che “informan” i sciti, e i produti digitali ch’exibimmo a-e nòstre casañe. Di software fæti in sce mesua, taggiæ in sciâ persoña: di software che pròpio pe quello no son a mæxima cösa de quelli tutti pægi che s’attreuvan in gio. A l’é uña de cöse che ne fan differenti da-i atri, e a vëgne feua da-a mainea de travaggiâ ch’emmo delongo tegnuo.
Coscì, quelli che travaggian con niatri san che peuan contâ in sce un intelocutô ch’o s’accapisce e ch’o ghe tegne à quello ch’o fa, e ch’o no l’à atro inta testa.

Coscì comme un sartô o piggia e mesue a-a seu casaña, a-a mæxima mainea niatri demmo a mente a quello che gh’é inte ’na dita, e dapeu ghe femmo o scito adòsso comme un vestî.

A no l’é costion de spende ciù dinæ, ma de spendili megio.

Multimedia, l’arte de cangiâ in megio

O multimedia o l’è un spaçio delongo in espanscion. Niatri, l’é pe coscì ch’ammiemmo comme i scistemi se parlan e combaxan tra de lô, pe poei dâ a-e nòstre casañe de idee che ghe fassan guägnâ a partia e che ghe pòrtan de novitæ, tanto inte l’imagine comme into profito.

O bon incontro tra unn’impreisa e e persoñe co-e quæ a veu avei da fâ o l’é un valô ch’o se domanda delongo de ciù, inte fee, into mondo de l’arte, inte butteghe e fiña inti club.

Multimedia o veu dî delongo de ciù riescî à “sentî” a realtæ de cöse inte tutto o seu ëse.
De tecnologie a-o serviçio di nòstri sensci e de emoscioin che poemmo fâ vive. E dâ un valô ancon ciù fòrte a-a vòstra imagine. À savei cangiâ in megio, se ghe guägna delongo. E intanto, se capisce, semmo apreuvo à inandiâ ascì di zeughi e de forme de promoçion animâ pe tutti i tipi de spaçi, web, mòbile, social network, e de presentaçioin in multimedia de quelle ciù chi core.

Perché quello che voemmo fâ, o l’é aggiuttâve a communicâ inta megio mainea.

Per realizzare le nostre attività abbiamo bisogno di agenzie che lavorino con qualità e flessibilità. Da anni collaboriamo con Dot Next per lo sviluppo di progetti web legati alle nostre campagne e poter contare su un partner così affidabile e competente, ci ha permesso di realizzare comunicazioni online sempre efficaci.

Lorenzo Catapano Save the Children Italia Onlus
Head of Digital Media

DotNext riesce sempre ad assicurare il risultato finale. Abbiamo sviluppato con DotNext molti progetti e sempre ne abbiamo apprezzato l'efficienza, l'ascolto rispetto ai nostri bisogni, la capacità di realizzare le nostre idee e sempre nel rispetto della qualità del lavoro.

Raffaele Coruzzi Head of Digital, UNICEF Italia

Lavorare bene, lavorando insieme. Con DotNext si può.
Con competenza, affidabilità e un team da Serie A.

Federico Berlingheri Area comunicazione Sampdoria

Dotnext = Quality, efficiency and the best service you can imagine!
Dotnext understands your needs, whether it is super simple or extremely complex and forward thinking.
Dotnext always develops the perfect solution for your demand in an economic way.
Dotnext gives the best possible service, always available and lovely people.
We love to work with Dotnext!

Antoinette van den Berg Trendforecatser / owner at Future-Touch